In ‘n plasing wat op sosiale media rondgestuur word, pleit iemand namens die Johannesburgse Dieretuin dat mense wat bome snoei, dit asseblief aan dié dieretuin skenk.
“Vandag het ‘n vriend die snoeisels van my Vals Olyf en Acacia aan die Johannesburgse Dieretuin geskenk. Hulle het dadelik die takke en bas (Twee Bakkievragte) vir die olifante, Eland, buffels en kameelperde kom verwyder. Hulle was baie dankbaar en het my oor en oor bedank. Munisipaliteit gee nie outomaties hul snoeisels aan die dieretuin nie,” lui die plasing.
Johannesburg Dieretuin se lys van inheemse bome wat hul herbivore vreet:
Sekelbosboom
Tamboti
Knopboom
Boswilg
Buffeldoring
Moerbei
Wit stinkhout
Rhus Lancea
Vals Olyf
Geelhout
Koorsboom
Natalse Mahonie
Huil boerboon
Indien jy jou blare en takke as kos vir Johannesburg Dieretuin se herbivoor-vreters wil skenk, kontak asseblief die volgende dieretuinbewaarders:
Piet: 082 437 0266
Filemon: 067 055 0002
Richard: 078 540 2043
Indien jy in ‘n ander provinsie woon, en daar ‘n dieretuin in jou omgewing is, oorweeg dit asseblief om hulle te kontak om jou snoeisels af te haal.
