ZWELITSHA – Die SAPD het bevestig dat ‘n agtiende slagoffer gister in die hospitaal oorlede is na ‘n skietery gister in Lusikisiki in die Oos-Kaap.
Die verdagtes is steeds op vrye voet.
“Ons weet nie wat die motief vir die moord is nie. Ons sal nie weet of dit een of meer verdagtes is nie, maar ons stuur ons forensiese span van Pretoria af om die toneel te kom besigtig. Ek sal ook ’n span saamstel bestaande uit senior beamptes van die SAPD wat ondersoek sal instel sodat ons kan weet wat gebeur het,” sê Fannie Masemola, nasionale polisiekommissaris.
Daar is geen ander nuwe ontwikkelings nie. Polisieondersoeke is egter aan die gang.
