MARIUS BROODRYK
Mankweng, Limpopo – Varkboer Zachariah Olivier en sy twee werkers, Rudolph De Wet en William Musoro gaan vandag aansoek doen om borgtog by die Mankweng-landdroshof.
Die trio staan tereg op aanklagte van moord met voorbedagte rade, poging tot moord en die besit van ‘n ongelisensieerde vuurwapen.
Hulle het na bewering twee vroue vermoor en van hul liggame ontslae geraak deur hulle vir varke te voer.
Musoro, ‘n Zimbabwiese burger, staan ook tereg op aanklagte van die oortreding van immigrasiewette.
