GEORGE APRIL
‘n Manlike kliënt is gister in ‘n rooftog in Velddrif doodgeskiet, terwyl ‘n ander een, ook ‘n man, ernstig gewond is.
Ses gewapende mans het die Mini-Supermark op die hoek van Vuurpyl en Tulpstrate ingegaan, waarna twee skote gehoor is.
“Die rowers het daarna met ‘n wit motor gevlug, met sakke in hul hande,” het ‘n inwoner telefonies aan die media vertel.
Kaptein Tania Helfrich, polisie-woordvoerder, het die voorval bevestig. “Een man is doodgeskiet, en een man gewond. Hy is per ambulans na die Vredenburg Provinsiale hospitaal vervoer. Ses mans het daarna met geld en selfone in vermoedelik ‘n wit Toyota Avanza met registrasie nr. CFG 1227 gevlug.”
