MARIUS BROODRYK
Die 2024 Bethlehem-lugskou, amptelik geopen deur LUR Toto Makume en uitvoerende burgemeester Tseki Tseki, het met ‘n opwindende valskermspringvertoning begin, maar op ‘n suur noot geëindig toe ‘n brand deur die parkeerterrein gespoel het en 19 voertuie beskadig het.
Voorlopige ondersoeke dui daarop dat kinders wat sonder toesig was, probeer braai het in ‘n nie-aangewese area, en die brand veroorsaak het wat vinnig versprei het weens sterk wind.
Een persoon het geringe brandwonde opgedoen, maar gelukkig is daar geen lewensverlies nie. Die munisipaliteit het sy spyt uitgespreek oor die voorval en sal ondersteuning bied aan diegene wat deur die voorval geraak is.
Owerhede ondersoek die saak.
