’n KPMG-forensiese verslag oor die Postbank is na die Direktoraat van Prioriteitsmisdaadondersoek (DPCI), ook bekend as die Valke, verwys in ’n poging om te verseker dat diegene wat vir die misdade verantwoordelik is, aan die kaak gestel word.
Luidens ‘n verklaring deur die departement van kommunikasie en digitale tegnologie, minister Solly Malatsi, het die forensiese verslag oor bestuur en finansiële oortredings by die Postbank ontvang wat die instelling in die gedrang gebring het en finansiële verliese ter waarde van ongeveer R89,5 miljoen tot gevolg gehad het tydens die tydperk 2021 – 2022.
Die verslag is Woensdag deur ‘n afvaardiging onder leiding van adjunkminister Mondli Gungubele aan die parlementêre portefeuljekomitee oor kommunikasie en digitale tegnologie voorgelê.
Die departement het gesê die minister het die saak na die Valke verwys.
Die KPMG-ondersoek is ingestel na aanleiding van die Ouditeur-generaal van Suid-Afrika (AGSA) se 2021-verslag wat bedrieglike aktiwiteite by die Posbank uiteensit. Dit sluit in verskeie voorvalle van kontantdiefstal wat dienooreenkomstig by die polisie aangemeld is.
Die Ministerie het ook die Postbank-raad opdrag gegee om te verseker dat die aanbevelings vervat in die KPMG-verslag geïmplementeer word.
“Wat hierdie kontantdiefstal nog meer weersinwekkend maak, is dat van hierdie geld gesteel is van kwesbare maatskaplike toelae-begunstigdes en gewone Suid-Afrikaners wat vir ‘n beter toekoms gespaar het. Ons sal die volle mag van die wet gebruik om enigiemand te beveg wat burgers durf beroof.
“Ek verwag beslissende optrede om te verseker dat openbare entiteite eties en met integriteit bestuur word, tot voordeel van ons burgers, en nie misdadigers nie,” het minister Malatsi gesê.
