Daar is min twyfel dat rugby die lewe en lotgevalle van Nadine Roos verander het, maar die reis is nog lank nie verby vir die 28-jarige nutsrugbyspeler nie.
Roos, wat in 13 HSBC SVNS-toernooie gespeel het, waar sy 244 punte vir die Springbok-vroue-sewesspan aangeteken het, asook twee Rugby Wêreldbeker-sewestoernooie voordat sy in die 2024 Olimpiese Spele in Parys gespeel het, is terug by die Springbok-vroue, terwyl hulle voorberei vir WXV 2 volgende maand, en bou na die Rugby Wêreldbeker volgende jaar in Engeland.
Sy is geen vreemdeling vir die vyftienspan nie, nadat sy Suid-Afrika by die vorige Wêreldbeker-rugbytoernooi in Nieu-Seeland verteenwoordig het en het vyf drieë in 11 toetse vir die Bok-vroue gedruk.
“Ek is baie opgewonde om terug te wees by hierdie span en hoewel ek die afgelope twee jaar nie vyftiental gespeel het nie, voel ek al tuis,” sê Roos, wat Sondag by die groep aangesluit het.
“Daar is ’n lekker atmosfeer onder die spelers en almal is gretig om ’n verskil te maak. Dit was twee jaar, maar ek weet ek is nou ‘n beter speler as die een wat laas hier was, so ek kan nie wag om met hierdie groep aan die gang te kom nie.
“Ek besef daar is ‘n kort omkeertyd vanaf die Olimpiese Spele om vir die eerste wedstryd volgende naweek teen die Barbarians oorweeg te word, maar ek gaan beslis my beste kans gee. Ek sal daarvan hou om in WXV te speel en deel te wees van die groep wat volgende jaar Engeland toe gaan vir die Wêreldbekertoernooi.”
Die besluit om terug te keer na vyftien het met geen waarborge gekom nie, maar min sal nie saamstem dat die gegradueerde van die Universiteit van Pretoria nie wegskram van uitdagings met haar moed onder skoot nie, ‘n handelsmerk van haar spel.
“Die besluit om twee jaar gelede die vyftiental te verlaat en die geleenthede wat sewes vir my gegee het te verken, het my ‘n beter speler gemaak,” het sy volgehou.
“Ek het ‘n professionele kontrak in Japan opgeneem en vir ses maande daar gespeel, teruggekom om aan die agt wêreldreekstoernooie te speel en toe aan die Olimpiese Spele deelgeneem, die grootste verhoog vir ons sport.
“Ek is dankbaar daarvoor aangesien my besluite vrugte afgewerp het, maar die ding waaroor ek die meeste tevrede is, is hoe dit my as speler en mens verbeter het. Ek kom beslis terug na die vyftiental as ‘n beter speler as die een wat laas weg is.”
Roos het gesê die nuwe afrigtingstelsel beteken ‘n gelyke speelveld vir almal en dit sal aan die individu wees om te wys dat hulle waardig sal wees om gekies te word: “Ek het al voorheen saam met Bafana (Nhleko) gewerk toe hy ons agterspelers kom bystaan het in 2021 en ons het toe ‘n baie goeie sessie gehad. Dit het ná ons sessie vandag duidelik geword dat opleiding van ‘n baie hoë standaard en intensiteit sal wees, net soos die omgewing waarin ek graag meeding.”
Roos voel ook die bekendstelling van Swys de Bruin om die afrigtingspan te lei, sal die profiel van die spel lig: “Dit is regtig lekker om te weet dat iemand so geag en gerespekteerd soos hy is, ingebring is en saam met die ander afrigters beslis die standaard van die span sal ophef. Dit sal lei tot beter resultate en die profiel van ons span verbeter. Dit is opwindende tye wat vir seker wag.”
SA Rugby
