Dricus du Plessis het Israel Adesanya geklop om sy titel te behou. Dit is sy 10de agtereenvolgende wen nadat Adesanya in die vierde ronde aangedui het dat hy opgee terwyl Du Plessis hom in ‘n wurggreep beetgehad het.
“Ek is teleurgesteld, maar terselfdertyd is ek trots, want dit is die beste wat ek nog gevoel en gelyk het,” sê die Nigerië-gebore Nieu-Seelander.
Dit het tot in die vierde ronde geblyk dat Adesanya die gunsteling is om die geveg te wen, maar Du Plessis het verwoed teruggekeer en sy opponent slim oorrompel.
