‘n Reuse veldbrand is gister van ver af waargeneem deur motoriste op die Vereeniging pad, in die Parys Vredefort area.
“Vermy die area. Die vuur is vinniger as wat jy dink. Nooddienste is op die toneel. Ontruim dadelik as jy dink dit kom na jou kant toe,” het Trafficlive gesê.
Teen net voor 18:00 gisteraand is mense op WhatsApp-groepe ingelig oor ‘n massiewe weghol-veldbrand in die omgewing van Enselspruit. Verskeie bronne was steeds besig om die brand te bestry.
