Dit was nie net 30 ongeïdentifiseerde liggame nie, maar ook 154 liggaamsdele wat in Suid-Indië se Kerala ter ruste gelê is – die uitkoms van ‘n rampspoedige grondverskuiwing in die Wayanad-distrik in die vroeë oggendure van 30 Julie.
Elke heel liggaam en elke liggaamsdeel is in wit lap toegedraai en in individuele gate begrawe tydens ‘n massabegrafnis by Puthumala in Wayanad, gevolg deur ‘n al-godsdienstige gebed. Die begrafnis het ure geduur.
In totaal het 224 mense gesterf en 154 het in die grondverskuiwing verdwyn, volgens amptelike data wat deur die staatsregering vrygestel is. Altesaam 8 246 mense is na noodlenigingskampe verskuif. Sommige liggame en liggaamsdele is na die Chaliyar-rivier in Malappuram, ‘n naburige distrik, gevlieg.
Die grondverskuiwing het twee dorpies, Mundakkai en Chooralmala, uitgewis, en honderde mense in ‘n japtrap doodgemaak. ’n Skool wat deur die regering bestuur word, het verdwyn. Soekbedrywighede gaan voort vanaf die grondverskuiwing se episentrum by Punchiri Mattam, met die fokus op die gebiede langs die pad van die puin. Pogings is bespoedig om ongeïdentifiseerde liggame te identifiseer deur middel van DNS (genetiese) toetse.
