Martinus Lourence Johannes Klemp (34) is deur die Richardsbaai-streekhof tot 40 jaar gevangenisstraf gevonnis vir bedrog en geldwassery.
Klemp was aangestel as ‘n logistieke klerk en het nou saamgewerk met diensverskaffers. Die maatskappy is deur hul bank in kennis gestel van moontlike bedrieglike aktiwiteite. Na ‘n deeglike ondersoek is ontdek dat Klemp, in plaas daarvan om verskaffers te betaal, op bedrieglike wyse fakture van verskaffers vir betalings verwerk het, maar die geld na sy familielede se persoonlike bankrekeninge oorgeplaas het. Die maatskappy het ‘n verlies van altesaam R3,8 miljoen gely weens Klemp se bedrieglike aktiwiteite gedurende die tydperk September 2014 tot Oktober 2022.
Die saak is in November 2022 by Paulpietersburg Polisiestasie aangemeld. Vyf verdagtes van 62, 55, 35 en 34 jaar oud is gearresteer en het op 08 Februarie 2022 voor die hof verskyn. Klemp het skuld beken, terwyl die ander vier onskuldig gepleit het op al die aanklagte. Hy het verskeie hofverskynings gemaak en is deur die Richardsbaai-streekhof tot altesaam 40 jaar gevonnis. Die vier verdagtes moet op 25 Julie 2024 voor die Vryheid-landdroshof verskyn.
