Die Suid-Afrikaanse Polisiediens (SAPD) se elite spesiale taakmag (STF)-eenheid het Maandagmiddag twee ontvoerde slagoffers by ‘n informele nedersetting in Crystal Park, Benoni, gered.
Twee mans, 64 en 34 jaar oud, is albei ontvoer terwyl hulle Sondag langs Putfonteinweg in Crystal Park gery het.
Die ontvoerders het dadelik lospryseise van hul families begin eis.
Die Suid-Afrikaanse Polisiediens is in kennis gestel en ‘n span onder leiding van die Spesiale Taakmag is gemobiliseer.
Maandagmiddag het die span op die ontvoerders toegeslaan waar ‘n skietgeveg ontstaan het. Een ontvoerder is doodgeskiet, een is gewond en hospitaal toe geneem en die ander vier is gearresteer en is in polisie-aanhouding.
Gemeenskappe word versoek om onmiddellik by hul naaste polisiestasie aan te meld of die Stop Misdaad-blitslyn nommer 08600 10111 te skakel indien enige van hul familielede of vriende die slagoffers van ontvoerders word.
Die SAPD sê verlede week is ses ontvoerders in ander voorvalle in hegtenis geneem en twee sakemanne is gered.
