Oudpresident Jacob Zuma se uMkhonto weSizwe Party (MK Party) het die voormalige Wes-Kaapse regter, John Hlophe, as die party se hoofsweep in die Nasionale Vergadering aangestel.
Die party het nie sy aanstelling formeel aangekondig nie, maar ’n interne dokument onthul dat hy reeds aangestel is.
Hlophe se aanstelling kom nadat hy vroeër vanjaar deur die parlement uit sy pos verwyder is.
Sowat 305 lede het ter ondersteuning gestem terwyl 25 teen sy verwydering gestem het.
