’n 34-jarige man sal binnekort in die hof verskyn op aanklagte van bedrog, korrupsie en oortreding van die Immigrasiewet ná sy inhegtenisneming op 4 Junie 2024 by die Mamelodi Binnelandse Sake-kantoor nadat hy R6 000 aan ’n onkreukbare amptenaar oorhandig het.
Daar word berig dat die amptenaar van die departement van binnelandse sake (DHA) op 24 Mei 2024 tydens ‘n operasie by ‘n mark in Sinoville die dokumentasie van die winkeleienaars nagegaan het. Die verdagte is gevra om dokumentasie voor te lê vir verifikasie deur DHA. Die verdagte het ‘n Pakistanse paspoort vertoon en kon nie die vereiste visum toon nie. Hy is op 27 Mei 2024 met ‘n brief uitgereik om die permit by DHA Mamelodi in persoon te toon.
Die verdagte het toe die DHA-amptenaar probeer omkoop deur te reël om R10 000 te bring om die paspoort en identiteitsdokument van ‘n vermeende lewensmaat terug te kry, en die permit te bekom.
Op 4 Junie 2024, sonder dat die verdagte geweet het, het die DHA-amptenaar met die lede van Serious Corruption Investigation gereël om arrestasie te bewerkstellig. Die oomblik toe die verdagte omkoopgeld van R 6000,00 oorhandig het, is hy gearresteer.
