Die Nasionale Kommissaris van die Suid-Afrikaanse Polisiediens (SAPD), generaal Fannie Masemola sê OPERASIE VALA UMGODI gaan voort om prysenswaardige vordering te maak in die beslissende hantering van diegene wat betrokke is by onwettige mynbedrywighede regoor die land.
OPERASIE VALA UMGODI is die regering se reaksie om onwettige mynaktiwiteite te voorkom, te bekamp en stop te sit, en werk tans in sewe brandpunt-provinsies wat Gauteng, Limpopo, Mpumalanga, Noordwes, Noord-Kaap, Vrystaat en KwaZulu-Natal insluit.
In die jongste sukses het die span in Gauteng onder leiding van die Nasionale Intervensie-eenheid (NIU) die naweek ‘n gesoekte onwettige mynbou-kingpin in Jabulani in Soweto opgespoor.
Die verdagte wat ‘n Lesotho-burger was, word verbind met minstens nege-en-twintig onwettige mynbouverwante moorde in Florida en Nomzamo in Soweto waar sestien mense by ‘n plaaslike taverne vermoor is.
Tydens die opsporingsoperasie is die Lesotho-burger deur die polisie doodgeskiet nadat hy ‘n vuurwapen op die polisie gerig het en inhegtenisneming by sy skuilplek in Soweto teengestaan het.
Verlede week het die multidissiplinêre spanne in verskeie provinsies ook noemenswaardige suksesse behaal waarin 62 verdagtes in Limpopo en 9 verdagtes in die Noord-Kaap gearresteer is vir hul rol in onwettige mynbedrywighede.
Dieselfde span het in April beslag gelê op R1 miljoen kontant en daar is beslag gelê op ‘n aantal onwettige myntoerusting soos ploftoestelle en grawe toerusting by ‘n huis wat deur onwettige mynwerkers in Carletonville gebruik word.
In dieselfde week in die Noord-Kaap is sewe ongelisensieerde vuurwapens gevind wat in ‘n skoenboks by ‘n geïdentifiseerde adres in Postmasburg versteek is.
Tot op hede het VALA UMGODI-spanne meer as 4774 verdagtes gearresteer vir ‘n aantal misdade, insluitend onwettige mynbedrywighede.
‘n Uiteensetting van die arrestasies per provinsie is soos volg:
Vrystaat 1092
Limpopo 1230
Gauteng 679
Noordwes 649
Noord-Kaap 619
Mpumalanga 432
KwaZulu-Natal 74
Onder sommige van die items waarop beslag gelê is tydens operasies sluit in:
146 vuurwapens
4 518 rondtes ammunisie
78 voertuie
79 vragmotors
33 TLB’e
Daar is ook op 7130 ongeslypte diamante ter waarde van R32 miljoen rand beslag gelê.
Daar is tot op hede beslag gelê op R4 miljoen kontant deur die spanne in al nege provinsies.
VALA UMGODI is in Desember 2023 gestig en sluit SANW-lede, die departement van minerale en energie (DMRE) en ander wetstoepassingsagentskappe in om onwettige mynbedrywighede in die land te voorkom en te bekamp.
