Die polisie in Upington vra hulp vanaf die publiek om ’n vermiste ma en dogter op te spoor.
Die ma, Sharuzaan Losper (25) wat laas op 25 Maart 2024 gesien. Sy het swart paar ‘leggings’ en ‘n groen toppie aangehad, en haar dogter, Sharo-Dee Losper (8), het ‘n swart kortbroek en ‘n geel T-hemp aangehad voordat hulle vermis geraak het.
Hulle is glo laas by hul blyplek in Louisvaleweg gesien. Hulle is saam daar weg sonder om iemand in kennis te stel en is sedertdien nie terug huis toe nie.
Enigiemand met inligting wat kan help om hulle op te spoor, kan die Ondersoekbeampte, Sersant Tsaone Mocware by 082 495 4615 kontak, 08600 10111 skakel of alternatiewelik die MySAPS-toepassing gebruik om aan te meld.
