Drie soldate van die Suider-Afrikaanse Ontwikkelingsgemeenskapsending in die Demokratiese Republiek van die Kongo (SAMIDRC) is deur vyandelike mortiervuur dood en drie beseer.
Almal was van die Tanzaniese kontingent van die vredesmag, wat ‘n sterk mandaat het om gewapende rebellegroepe te neutraliseer.
Intussen is ‘n Suid-Afrikaanse soldaat in die sending dood in ‘n hospitaal in die Demokratiese Republiek van die Kongo (DRK) se provinsiale hoofstad Goma, “terwyl hy behandeling ontvang het weens gesondheidsuitdagings”, het die sending gesê.
