Vyf vermeende transitorowers is gister in Tasbet Park, Emalahleni in ‘n skietgeveg met Mpumalanga-polisie dood nadat die polisie inligting oor die verdagtes se bedrywighede ontvang het.
Vyf verdagtes is op die toneel dood. Ses, waarvan drie gewond is, is in hegtenis geneem en nege het daarin geslaag om te ontsnap.
Vyf ongelisensieërde gewere, waaronder drie AK-47 gewere, een R5 geweer en een AR15, asook ammunisie is gevind. Daar is ook beslag gelê op twee ongelisensieërde handwapens en ammunisie.
Drie van die sewe voertuie waarop beslag gelê is, is as gesteel aangemeld.
Verdere ondersoeke is onderweg om te kyk of die verdagtes aan ander misdade gekoppel kan word.
