Die immergewilde Hollywood-aktrise Cameron Diaz het laat weet dat haar en die Good Charlotte-kitaarspeler Benji Madden se tweede kind, Cardinal Madden, gebore is.
Die paartjie is in 2015 getroud en het in Desember 2019 ‘n dogter, Raddix, in die wêreld verwelkom.
“Ons is geseënd en opgewonde om die geboorte van ons seun, Cardinal Madden, aan te kondig,” het hulle op X, voorheen Twitter, geskryf.
