Die Februarie 2024 huishoudelike bekostigbaarheidsindeks toon ‘n afname in die gemiddelde koste van ‘n huishoudelike kosmandjie in Suid-Afrika.
Van Januarie 2024 tot Februarie 2024 het die koste met R47,56 gedaal. Dit kom as ‘n verligting vir verbruikers na ‘n styging in voedselpryse die vorige maand.
Die gemiddelde koste van die huishoudelike kosmandjie vir Februarie 2024 is R5 277,30, laer as Januarie se gemiddelde koste van R5 324,86.
Op ’n jaar-tot-jaar-grondslag was daar ’n styging van R348,96 in die gemiddelde koste van die kosmandjie. Terwyl voedselinflasie hoog bly, word verwag dat dit vanjaar meer gedemp sal wees in vergelyking met vorige jare.
