‘n 66-jarige boer in Mpumalanga is wreed deur gewapende mans aangeval terwyl hy op sy grassnyer op sy plaas naby die Kruger Mpumalanga Internasionale Lughawe gery het.
Hy is verskeie kere geskiet, sy regterarm gebreek en is vir dood agtergelaat.
Ten spyte van sy beserings kon hy 2 km na sy plaaswerkers stap om hulp te soek.
Die aanvallers het met sy selfone en gewere in sy bakkie gevlug.
Hy is in ‘n ernstige toestand gevind en is na die hospitaal vervoer.
Die polisie het ‘n saak van huisroof geopen, en niemand is nog in hegtenis geneem nie.
