Een van die voorste rugbylande het gevra dat daar opgetree word teen spanne wat spioenasietaktiek by die Wêreldbeker inspan, het die Britse Telegraph onthul.
Die naam van die span is nie bekendgemaak nie.
Met die gasheer Frankryk en Nieu-Seeland wat saam in Poel A gegroepeer is, terwyl Ierland, Suid-Afrika en Skotland almal in Poel B is, word die 2023 Rugby Wêreldbeker as die mees mededingende weergawe sedert die toernooi se ontstaan in 1978 beskou.
Die koerant gaan voort om te ontbloot dat daar oefensessies is wat die afgelope paar jaar deur internasionale spanne dopgehou is.
Dit sluit in dat Eddie Jones, in sy vorige rol as Engeland se hoofafrigter, beweer het dat daar op Engeland gespioeneer is terwyl hy vir die 2019 Wêreldbeker-halfeindstryd teen Nieu-Seeland voorberei het.
Boonop het Telegraph ook berig dat ‘n bron na aan die Britse en Ierse Leeus aan die publikasie onthul het dat die Springbokke gekoekeloer het toe hulle in Kaapstad voorberei het tydens die 2021-reeks in Kaapstad.
