Die polisie het losgebrand en 34 stakende mynwerkers by Marikana doodgeskiet
Die polisie het losgebrand en 34 stakende mynwerkers by Marikana, Noordwes-provinsie, vermoor. 78 mense is gewond en meer as 250 mense is in hegtenis geneem.
Die betogende mynwerkers het ‘n loonverhoging by die Lonmin-platinummyn geëis. Dit was die grootste voorval van polisiebrutaliteit sedert die begin van demokrasie en dit het herinneringe laat herleef van veiligheidspolisiebrutaliteit wat onder Apartheid gely is.
Die Suid-Afrikaanse Polisiediens (SAPD) se owerhede het tydens ‘n perskonferensie beweer sy beamptes is aangeval deur ‘n groep mynwerkers wat met gevaarlike wapens bewapen was.
President Jacob Zuma het sy bywoning van die 32ste Suider-Afrikaanse Ontwikkelingsgemeenskap (SAOG)-beraad in Maputo, Mosambiek, kortgeknip om die terrein van die voorval te besoek. Met sy terugkeer het hy aangekondig dat ‘n kommissie van ondersoek aangestel sal word om die Marikana-skietery te ondersoek.
Zuma het gesê: “ons moet die waarheid ontbloot oor wat hier gebeur het. In hierdie verband het ek besluit om ‘n kommissie van ondersoek in te stel. Die ondersoek sal ons in staat stel om by die werklike oorsaak van die voorval uit te kom.”
President Zuma het afgetrede regter Ian Farlam as voorsitter van die Marikana-kommissie van ondersoek aangestel. Sy aankondiging het gekom te midde van gedenkdienste vir die oorledenes wat in die Oos-Kaap, Noordwes en Johannesburg gehou is.
Bron: SAHO
