Zola Budd van SA en Mary Decker van die VSA bots per ongeluk tydens die 3000m in die 1984 Los Angeles Olimpiese Spele
Zola Budd en Mary Decker is atlete wat aan die 1984 Los Angeles Olimpiese Spele deelgeneem het.
Budd, ‘n Suid-Afrikaner, het as gevolg van apartheidswette in Suid-Afrika onder Britse burgerskap meegeding, en Decker het die VSA verteenwoordig. Albei atlete sou aan die 3000m-wedloop deelneem, met Decker wat die gunsteling was om te wen.
Tydens die wedren het Budd per ongeluk vir Decker laat struikel en die Amerikaner het op die baan geval. Sy het haar heup beseer en kon nie met die wedloop voortgaan nie.
Die skare het hul woede uitgespreek deur Budd, wat sewende geëindig het, uit te jou.
Die voorval word beskou as een van die grootste fiasko’s in die Olimpiese Spele se geskiedenis.
