Suid-Afrika word op bitter min gebiede as ‘n wêreldleier beskou, maar as dit by ongesonde gewoontes kom, is ons onder die top tien.
SA beklee die 10de plek uit 50 lande vir ongesonde leefstylgewoontes, het ‘n onlangse studie deur die webwerf MedicalAid.com bevind.
Die studie het gekyk na vyf slegte gewoontes: oormatige peuselhappie wat lei tot vetsug, oefeningontduiking, alkoholverbruik, rook en seksueel oordraagbare siektes.
Data vir al hierdie faktore – meestal van die Wêreldgesondheidsorganisasie (WGO) getrek – is toe gekombineer in ‘n algehele “ongesonde leefstyltelling” uit 10, wat gebruik is om die lande te rangskik.
Bulgare het die ongesondste leeftyl, en het die hoogste rookkoers, gevolg deur Letland, wat die hoogste jaarlikse alkoholverbruik per persoon het. Argentinië is in die derde plek.
Die Verenigde State was vierde, met Litaue, Kroasië en Hongarye op sy hakke met ongesonde gewoontes. Estland was agtste, gevolg deur Duitsland op nege en Suid-Afrika in die tiende posisie.
Volgens die studie is 38% van Suid-Afrikaners fisies onaktief, met ‘n vetsugsyfer van 28,3%.
Suid-Afrika het ook die hoogste koers van SOS-voorkoms aangeteken, met 37 273 infeksies per 100 000, wat 294% hoër is as Israel, waar die laagste koers van 9 455 gevalle per 100 000 mense aangeteken is.
