Die voormalige FBI-agent Robert Hanssen, wat as ‘n Russiese spioen tot lewenslange tronkstraf gevonnis is, is gister dood in sy sel by die Florence ADMAX in Colorado gevind, het die Amerikaanse Buro vir Gevangenisse gesê.
Die 79-jarige het lewenslange tronkstraf uitgedien in die Administratiewe Maksimum Fasiliteit, die supermax-sekuriteitsgevangenis wat berug is daarvoor dat gevangenes 23 uur per dag in afsondering gehou word.
Hanssen is in Februarie 2001 gearresteer, nadat hy ‘n aflewering in ‘n Virginia-park gemaak het. Hy het skuld beken dat hy geklassifiseerde inligting aan die Sowjetunie en later Rusland verkoop het, en is in Mei 2022 gevonnis.
Sy loopbaan as ‘n “mol” binne die FBI het in 1979 begin. In meer as 20 jaar het Hanssen nooit Rusland besoek of sy hanteerders direk ontmoet nie. Die KGB en sy opvolgagentskap, die SVR, het hom net geken onder die alias “Ramon Garcia”. Hulle het gekommunikeer deur middel van “motor te koop”-advertensies in ‘n plaaslike koerant.
