NSRI St Francisbaai se diensbemanning is Dinsdag geaktiveer na aanleiding van berigte van ‘n onbemande Catamaran-vissertuig van ‘n plaaslike visserman wat op rotse by Shark Point, wes van Shark Point Light, uitgespoel het.
‘n Ander visserman wat op die leë vaartuig afgekom het, het alarm gemaak en ‘n soektog is dadelik in die onmiddellike omgewing begin.
Die NSRI St Francisbaai-reddingstuig Spirit of St Francis II is te water gelaat terwyl NSRI se oewerpersoneel aan die landkant van Shark Point na die man gesoek het.
Die SA Polisiedienste, die Polisie-duikeenheid, EC Government Health EMS, Private Care-ambulansdienste, hommeltuigoperateurs (van die plaaslike Air Sea Rescue Network), ‘n aantal publieke vrywilligers, asook 7 plaaslike vissersvaartuie en ‘n helikopter vanaf Gqeberha is ook ontplooi om by die soektog aan te sluit.
Die liggaam van die visserman is om 08h55 in die branders naby rotse neffens Shark Point gevind. Hy is op die toneel deur paramedici dood verklaar.
‘n Geregtelike doodsondersoek geopen.
