Annelize Holtzhausen (35) is gister deur die Polokwane Gespesialiseerde Handelsmisdaadhof tot 5 jaar direkte gevangenisstraf gevonnis vir diefstal. Tussen 28 Januarie 2019 en 24 Oktober 2019 was die beskuldigde in diens as ‘n Finansiële Administrasiebestuurder by Zandspruit Huiseienaarsvereniging NPC in Hoedspruit geleë. Van haar verantwoordelikhede as bestuurder was om die diensverskaffers te betaal vir dienste wat vir die maatskappy gelewer is.
In plaas daarvan om die diensverskaffers te betaal, het die beskuldigde fiktiewe eise geskep en die geld van die maatskappy se bankrekening na haar persoonlike bankrekening oorgeplaas asof sy die diensverskaffers betaal. Van die gesteelde geld is in haar man se bankrekening oorgeplaas.
Holtzhausen se bedrieglike aktiwiteite is ontdek deur die maatskappy-ouditeure wat ‘n saak van bedrog geopen het. Die saak is deur die Polokwane-gebaseerde Valke se ernstige kommersiële misdaadondersoek ondersoek.
Na ‘n deeglike ondersoek is die beskuldigde op 24 Februarie 2021 by haar huis in Hoedspruit in hegtenis geneem en later op borgtog van R5 000-00 vrygelaat. Die maatskappy het ‘n verlies van meer as R1,6 miljoen gely.
Op 29 Mei 2022 is Holtzhausen op 185 aanklagte van diefstal skuldig bevind en haar saak is tot gister vir vonnisoplegging uitgestel.
