BAAS KRUGER
Linda Mwale, wat op 22 November 2021 as Uitvoerende Direkteur: Leierskap en Bestuur in die Kantoor van die Speaker van die Gauteng Provinsiale Wetgewer (GPW) aangestel is, het groot onmin veroorsaak. Dié aanstelling is gemaak deur Speaker Letheng Mekgwe ten spyte van ‘n wolk wat oor Mwale se kop hang. Voor sy aanstelling was Mwale die sekretaris van Mpumalanga se Provinsiale Wetgewer. In 2018 is ‘n Sekuriteit- en data-integriteitkontrak (bekend as SAP) ter waarde van ‘n aanvanklike R15 miljoen vergroot tot R19,6 miljoen en is toegeken aan ‘n maatskappy genaamd Frugacode CC. Onderwyl Mwale na die GPW geskuif het, het ondersoeke oor die vergrootte bedrag voortgegaan.
Onlangs het die Openbare Beskermer se Verslag 67 van 2022/23, vrygestel deur Adv Gcaleka, die waarnemende Openbare Beskermer, op 31 Maart 2023- bevind dat:
“7.2.1 Die bewering dat die tender wat aan Frugacode BK’s vir ‘n SAP-kontrak toegeken is, wel onreëlmatig is omdat Frugacode BK ‘n SAP-akkreditasiesertifikaat gebruik het wat nie in sy eie naam geregistreer is nie.
“7.2.3 Die Rekenpligtige Beampte, mnr Mwale, is verantwoordelik vir die voorsieningsketting-bestuursproses en enige onreëlmatighede ten opsigte daarvan.”
“7.2.4 Mnr Mwale het Frugacode as die suksesvolle bieër aangestel.”
Hier is ‘n klassieke bewys van die ANC-regering se modus operandi, waar ‘n korrupte staatsamptenaar nie afgedank of vervolg word nie, maar eerder na ‘n ander hoë pos in die regering herontplooi word. Hulle verskuif bloot stoele op die dek rond terwyl die Titanic sink. Mwale se pligte in die GPW is om van die administratiewe leierskap uitvoerende gesag namens die Speaker te verskaf. Mwale se huidige leierskap is om die minste te sê rampspoedig.
Ten spyte van Mwale se rampspoedige leierskap, verklaar die IPMS Communique 2022/23 dat alle senior bestuur, insluitend Mwale, prestasiebonusse vir die 2021/22 finansiële jaar betaal is, en dat voorleggings vir 2022/23 bonusse op koers is en uitbetaal sal word.
Intussen weerhou die Wetgewer vergoeding van werkers. Die NEHAWU-aanbieding aan OCPOL-komitee op 17 Februarie 2023, noem dat beide GPW en NEHAWU in 2014 ‘n ooreenkoms bereik het om die IPMS-prestasieregime vir werkers te beëindig, en ‘n 13de tjek jaarliks in April aan werkers te betaal. Hierdie voordeel is sedert 2017 jaarliks betaal, maar in 2022 het GPW ‘n besluit geneem om nie die 13de tjek, soos ooreengekom, te betaal nie. Die Unie het die saak na die Kommissie vir Versoening, Bemiddeling en Arbitrasie (KVBA) verwys.
Die KVBA het op 27 Februarie 2023 bevind dat GPW ‘n onbillike arbeidspraktyk gepleeg het deurdat hy versuim het om ‘n 13de tjek verskuldig aan werkers in April 2022 te betaal. Die KVBA het die LSB beveel om die 13de tjek te betaal, en verder gelas om rente te betaal op die bedrae verskuldig aan die werknemers vanaf 15 April 2022 tot datum van betaling, en bykomend dat betalings teen nie later nie as 31 Maart 2023 gemaak moet word.
Die LSB-kommunikasie sê egter dat die bestuur ‘n hersieningsaansoek teen die KVBA-uitspraak by die Arbeidshof sal indien.
‘n Storm broei in die GPW en sal binnekort openbaar gemaak word, aangesien werkers belowe om massa-aksie in die strate toe te pas.
