Skip to main content

Daar word gevrees dat tientalle mense dood is nadat ‘n brand by ‘n aanhoudingfasiliteit vir immigrante in die Mexikaanse stad Juarez, op die grens teen die VSA, uitgebreek het, het verskeie nuusagentskappe berig.

Die brand het uitgebreek by ‘n terrein wat deur Mexiko se Nasionale Migrasie-instituut (INM) bestuur word, wat reg langs die Stanton-Lerdo Internasionale Brug geleë is, wat Juarez met El Paso, Texas verbind.

Die plaaslike koerant Excelsior het gesê die dodetal kan enigiets tussen 25 en 35 wees, met tot 100 beseer a.g.v. rookinaseming.

Telemundo se tak in El Paso het ‘n INM-amptenaar aangehaal wat 37 sterftes op die toneel bevestig het, en dat 27 mense na verskeie hospitale in Juarez geneem is. Die agentskap het bygevoeg dat twee pasiënte glo aan hul beserings beswyk het. Geen amptelike verklaring deur die INM is al vrygestel nie.

Die ramp het moontlik begin as ‘n poging om te ontsnap deur ‘n groep Venezolaanse gevangenes wat onlangs by die fasiliteit geplaas is, volgens mediaberigte. El Diario het gesê die brand het uitgebreek in die gedeelte van die sentrum wat aan mans toegewys is. Dit was nie onmiddellik duidelik of dit opsetlik of per ongeluk begin is nie.

Leave a Reply

error: Content is protected !!