Beurtkrag veroorsaak groot probleme in kleinsakeondernemings, en nasionale oproer en plundering dreig reeds op die horison.
Franchise Association of South Africa (FASA) voer aan dat die gevoel ook na ander besigheidsektore versprei.
“Die kleinhandelsektor het die swaarste aan die krisis in Suid-Afrika gedra, veral met die nasleep van die (2021) onluste en vloede,” het FASA gesê.
“Die sektor het nog geen noemenswaardige stappe deur die regering gesien om diegene by te staan wat van voor af moes herbou en herbegin sonder bystand nie, en verslae van lede in die sektor dui daarop dat, indien stappe nie onmiddellik en dringend gedoen word nie, oproer en plundery nasionaal gaan hervat en eskaleer.
“Hulle sien dit reeds sporadies gebeur,” het dit gesê.
