Die roebel se vinnige verstewiging kan in die toekoms ‘n risiko vir die land se ekonomie inhou, het Maxim Reshetnikov, die Russiese minister van ekonomie, vroeër die week aan verslaggewers gesê.
“Die huidige wisselkoers is ‘n probleem op die lang termyn, want die werklike effektiewe wisselkoers is 40% sterker as in die afgelope vyf jaar,” het die minister gesê.
Volgens Reshetnikov maak die roebel se krag Russiese goedere onmededingend in buitelandse markte.
“Dit is ‘n ernstige uitdaging vir die binnelandse vervaardiger, wat, soos invoerkanale herstel word, toenemend druk sal voel [van ingevoerde goedere], om met hulle te probeer meeding en hierdie kompetisie verloor,” het hy gesê.
