Die bekende ekonoom Mike Schüssler is ná ‘n kort stryd teen keelkanker oorlede.
“Ek het vanoggend ‘n boodskap van sy vrou [Greta Moodie] gekry dat Mike oorlede is,” het Schüssler se vriend en mede-ekonoom Dawie Roodt gister gesê.
Hy het gesê Schüssler het sowat twee maande gelede ‘n operasie ondergaan, maar sy gesondheid het sedertdien weer verswak.
Roodt het gesê hy en Schüssler het dikwels die draak met mekaar gesteek. Hy het Schüssler ‘n “pienk ekonoom” genoem, en Schüssler het hom as ‘n “inflasie-Nazi” ettiketteer.
