Die Zuma-stigting het gister aangekondig oudpresident Jacob Zuma gaan vandag aansoek doen om ‘n onbepaalde uitstel van sy langverwagte korrupsieverhoor. Volgens die stigting gaan Zuma ‘n private vervolging teen hoofaanklaer Billy Downer instel.
Regter Piet Koen is deur Zuma se prokureurs ‘herinner’ aan die dodelike onrus van Julie 2021 wat uitgebreek het nadat Zuma tronk toe gestuur is.
Die NVG het egter Zuma se stap as ‘n intimiderende en vertragingstaktiek beskou en gesê hy sal sy uitstelaansoek ten sterkste teenstaan.
