Namate samesprekings met Oekraïne ‘n “praktiese” stadium betree, het Rusland gister onderneem om sy militêre aktiwiteit naby Kiëf en Chernigov “drasties” te verminder. Dìt volgens die Russiese adjunkminister van verdediging, Alexander Fomin.
“Ons verwag dat relevante sleutelbesluite in Kiëf geneem sal word en die voorwaardes vir normale werk geskep sal word,” het Fomin aan die pers gesê.
Fomin het ‘n beroep op Oekraïne gedoen om “ten volle by die Geneva Konvensies te hou, insluitend met betrekking tot die menslike behandeling van krygsgevangenes”.
Moskou het sy buurland aan die einde van Februarie aangeval, ná ‘n sewe jaar lange stryd oor die Oekraïne se versuim om die bepalings van die Minsk-ooreenkomste te implementeer, en Rusland se uiteindelike erkenning van die Donbass-republieke in Donetsk en Lugansk. Die Duitse en Franse bemiddelde protokolle is ontwerp om die status van daardie streke binne die Oekraïense staat te reguleer.
Rusland het ook nou geëis dat die Oekraïne homself amptelik tot ‘n neutrale land verklaar wat nooit by die VSA-geleide NAVO militêre blok sal aansluit nie. Kiëf dring daarop aan dat die Russiese offensief heeltemal onuitgelok was en het bewerings ontken dat hy beplan het om die twee republieke met geweld terug te neem.
