’n 28-jarige ma het gister in die Taung-landdroshof verskyn omdat sy na bewering haar eenjarige babadogtertjie vermoor het.
Die Noordwes SAPD-woordvoerder, Kolonel Adéle Myburgh, sê die hofverskyning spruit uit ‘n voorval wat Vrydag laat aangemeld is.
Sy sê die grootouers het glo berig dat hulle die 28-jarige ma met die kind die huis in Dryharts sien verlaat het, maar later alleen teruggekeer het.
“Met haar ondervraging oor waar haar kind haar bevind, kon sy geen verduideliking gee nie en die polisie is gekontak.
“Daaropvolgende ondersoeke het die polisie na ’n oop bosgebied gelei, waar die lyk van die baba Saterdagmiddag gevind is,” het Myburgh gesê.
Myburgh het gesê ‘n voorlopige ondersoek het aan die lig gebring dat die baba ‘n steekwond in haar nek gehad het.
“Die baba is op die toneel deur paramedici van Mediese Noodreddingsdienste dood verklaar. Die 28-jarige ma is onmiddellik in hegtenis geneem.”
Die Noordwes Provinsiale Kommissaris, luitenant-generaal Sello Kwena, het die grootouers bedank dat hulle die voorval vinnig aangemeld het en saam met die polisie gewerk het om te verseker dat die baba se ma die volle mag van die wet in die gesig staar, berig allAfrica.
