Botswana is tans die wêreld se tweede grootste diamantprodusent, maar wil poog om die nommer een speler in die diamantbedryf te word.
Die land se inkomste uit diamante het hul inkomstestatus van onder die armste in die wêreld na middelinkomstestatus verander. Nou wil Botswana betrokke wees by die voorkoming van handel in diamante wat uit konflikgebiede kom en ook om die land in ‘n globale nywerheidspilpunt te omskep.
“Ons het die meeste om te verloor as diamante sleg bestuur word,” het Botswana se president Mokgweetsi Masisi in ‘n onderhoud in Nairobi, Kenia, gesê. “Ons het alles wat ons van diamante gekry het vir skole, vir paaie, vir medisyne, vir die ontwikkeling van ons menslike hulpbronne gebruik.”
Botswana is die voorloper in die ontdekking van die wêreld se grootste edelgesteentes en is Afrika se voorste diamantprodusent.
Botswana vra tans steun van lede van die Europese Unie (EU) om dié land se poging om die Kimberley-proses (KP)-sekretariaat in Gaborone aan te bied, te steun eerder as dat dit China en Oostenryk, wat ook belangstelling hierin getoon het, plaasvind.
Toe Suider-Afrikaanse diamantproduserende lande in Mei 2000 in Kimberley, Suid-Afrika, vergader het om die handel in “konflikdiamante” te stop en te verseker dat diamantaankope nie geweld deur rebellebewegings en hul bondgenote finansier wat wettige regerings wil ondermyn nie, het hulle na vore gekom met die ‘KP-proses’. Die Kimberley-Proses-Sertifisering-Skema (KPCS) is toe in 2003 op die been gebring.
