Skip to main content

Die Wes-Kaapse polisiebestuur het ondersoekers wat by die Oudtshoorn Gesinsgeweld, Kinderbeskerming en Seksuele Misdrywe (FCS) gestasioneer is, geloof wat oortreders van geslagsgebaseerde geweld en vrouemoord aangepak het toe hulle onlangs tronkstraf vir verskeie seksverwante misdade gekry het. Dié vonnisse is die afgelope maand by die Oudtshoorn-streekhof aan vier mans opgelê.

Vrydag is ‘n 27-jarige man tot 10 jaar gevangenisstraf gevonnis nadat hy vroeër skuldig bevind is op ‘n aanklag van verkragting. Hy is in hegtenis geneem kort nadat ‘n 34-jarige vrou op 18 Oktober 2020 ‘n klag by die Dysselsdorp-polisie gelê het. Hierdie skuldigbevinding volg op ‘n lang verhoor.

Verder is Jeremy Isaacs (36) op 16 Februarie 2022 tot 25 en 20 jaar gevangenisstraf gevonnis ná sy skuldigbevinding op twee aanklagte van verkragting.

Nog twee beskuldigdes, Dawid Herman (21) en Anton May (40), is elk tot 20 jaar gevangenisstraf gevonnis ná hul skuldigbevinding aan onverwante voorvalle op 22 Februarie 2022. Albei is in hegtenis geneem kort nadat slagoffers gedurende 2018 en 2021 onderskeidelik sake van verkragting by die Oudtshoorn-polisie aangemeld het.

Leave a Reply