Die Russiese inval in die Oekraïne het binne vier dae ‘n Westerse politieke, strategiese, ekonomiese en korporatiewe reaksie ontketen wat ongekend is in die omvang en koördinering daarvan.
Poetin, wat die inval ‘n “spesiale operasie” genoem het, het ‘n kommerwekkende nuwe element in werking gestel toe hy Rusland se “afskrikmagte” – wat kernwapens gebruik – op ‘n hoë gereedheidsgrondslag gebring het.
Die roebel het vroeg vandag met byna 30% tot ‘n algehele laagtepunt teenoor die dollar gedaal nadat Westerse lande streng sanksies aangekondig het, insluitend die blokkering van sommige banke van die SWIFT internasionale betalingsstelsel.
