Dit blyk dat ‘n onverklaarbare siekte werknemers van die eThekwini-munisipaliteit se vaste afvaldepartement net gedurende Desembermaande teister.
Verlede Desember se siekteverlof het die staat meer as R725 000 gekos, nadat dit verdubbel het teenoor die vorige jaar se Desember.
‘n DA-raadslid, Mzamo Billy, wou van die departementshoof, Raymond Rampersad, wat ook die adjunk-stadsbestuurder is, en van Musa Mbhele, die waarnemende stadsbestuurder, weet waar die skielike verhoging in siekteverlof oor Desember vandaan kom.
Billy het ook ‘n verklaring gevra wat betrekking het op ‘n buitensporige oortydbetaling-verslag van R14 miljoen in November.
Die verslag, wat deur TimesLIVE besigtig was, het nie die aantal werknemers genoem wat in Desember siek was nie.
In die verslag is daar aanduidings dat siekteverlof misbruik was.
“Die verslag gee toe dat daar ‘n moontlikheid bestaan dat siekteverlof moontlik misbruik kan word. Dit is totaal onaanvaarbaar aangesien dit die rede kan wees vir die verhoogde behoefte aan oortyd. Ons het dus gevra vir die redes vir die oortyd, hoe dit gefinansier word en die planne om hierdie gedrag hok te slaan en te verseker dat die deurslaggewende werk om die stad skoon te hou gedurende normale werksure gedoen word om die belastingbetalers se geld te spaar wat gebruik moet word op ander projekte,” het Billy gesê.
