Die heerser van eSwatini en sy regering weier om te luister na die massa-demokratiese beweging se eise vir ‘n man tot man gesprek aangaande die emosionele en fisiese letsels van die marteling en intimidasie wat studente aan die hande van veiligheidsmagte in eSwatini verduur.
Mswati het tydens die amptelike opening van die vierde sitting van die land se parlement beweer dat hy “die gebruik van geweld ontmoedig om verandering te beïnvloed, aangesien ons almal verdien om in vrede te lewe”.
Op grond hiervan word sy woorde as niks anders as ‘n le- blik-belofte gesien want hy doen niks om sy woorde te eerbiedig nie. Volgens Mswati lll is “dit nie ‘n misdaad om uiteenlopende sienings te hê nie, maar om in dialoog betrokke te raak, skep ‘n beter uitkoms vir almal, aangesien elke persoon van tyd tot tyd raad nodig het”.
Hierdie woorde dui op die 2021-ingryping van die Suider-Afrikaanse Ontwikkelingsgemeenskap (SAOG) na maande se pro-demokrasie-betogings waarin die land se veiligheidsmagte tientalle doodgemaak en talle beseer het.
