‘n Verdagte is gister in hegtenis geneem nadat hy na bewering die luukse Bloutrein aan die brand gesteek het terwyl die trein vir herstelwerk by die Transnet-ingenieursfasiliteit in Koedoespoort was.
Ayanda Shezi, woordvoeder van Transnet, het gesê, “Die koets is na Koedoespoort geneem vir herstelwerk nadat hy verlede November in ‘n botsing betrokke was. Transnet se ondersoek na die voorval van die November-ontsporing is amper voltooi, en die tweede voorval sal nie die ondersoek beïnvloed nie.”
Shezi sê daar is gesien hoe drie mense van die toneel vlug. Een persoon is deur maatskappysekuriteitspersoneel aangekeer en aan die polisie oorhandig.
Die twee ander verdagtes is nog op vrye voet.
