Alle boere in Zimbabwe sal eersdaags verplig word om sonneblomboerdery aan te pak, aangesien die regering poog om die invoer van ru-sonneblomolie ter waarde van VS$200 miljoen self te vervaardig.
Die regering het reeds begin om boere van insette te voorsien om hulle in staat te stel om by sonneblomboerdery betrokke te raak. Dit sal verseker dat die land jaarliks die invoer van tussen 60 000 en 65 000 metrieke ton ru-sonneblomolie uit Suid-Afrika staak.
Die sonneblom is ook nuttig om klimaatsverandering te bestudeer as gevolg van sy natuurlike veerkragtigheid. Die plant, wat reeds goed toegerus is om droogte, hoë soutgehalte in grond en baie veranderlike ekosisteme te weerstaan, benodig ook min kunsmis.
Zimbabwiese boere het in 2022 die aanplanting van tradisionele gewasse verhoog namate boere diversifiseer om voedsel- en voedingsekerheid ‘n hupstoot te gee. Die toename in produksie van die tradisionele grane is bevorder deur die toename in vraag produsentepryse, berig allAfrica.
