Eskom het ‘n beroep op Suid-Afrikaners gedoen om kraggebruik te verminder en het bevestig dat beurtkrag vanaf 11H00 vandag geïmplementeer gaan word.
Dìt nadat daaar die afgelope naweek talle opwekkingseenhede onklaar geraak het by verskeie kragstasies. Vier opwekkingseenhede is steeds buite werking.
“’n Eenheid elk by Matimba en Hendrina het ‘n ketelbuislek opgedoen, terwyl ‘n eenheid elk by Majuba en Kendal dood is. Vertragings in die terugkeer van eenhede by Kusile, Tutuka, Duvha en Grootvlei het ook bygedra tot die kragbeperkings.
“Die totale verlore krag beloop 14 134 MW terwyl beplande instandhouding 5 028 MW se kapasiteit kos terwyl ons voortgaan met die instandhouding van betroubaarheid.”
