’n Man is lewenslange tronkstraf opgelê vir die moord op twee tienerseuns.
Die Kaapse bendelid, Dennis Saul, het in die hooggeregshof in Kaapstad tereggestaan vir sy aandeel in ‘n vlaag misdade.
In Mei 2020 het hy twee seuns, 15 en 16 jaar oud, in Manenberg vermoor.
Saul is tot twee lewenslange vonnisse gevonnis vir die moord op twee van sy mede-bendelede om hulle stil te maak nadat hulle ‘n moord gesien het.
Saul het aan die hof gesê bendebase het hom opdrag gegee om die seuns dood te maak nadat hul ’n moord gesien het wat deur bendelede gepleeg is. Bendelede het gevrees dat die seuns oor die moord sou praat.
“Die harde werk van die ondersoek het vrugte afgewerp toe die beskuldigde ‘n pleitooreenkoms met die staat aangegaan het. Hy is op die twee aanklagte van moord skuldig bevind en op elke aanklag tot lewenslange tronkstraf gevonnis. Vir die besit van ‘n ongelisensieërde vuurwapen is hy tot 10 jaar gevonnis, en vir die onwettige besit van lewendige ammunisie is hy tot vyf jaar gevangenisstraf gevonnis.” het Frederick van Wyk, ‘n polisiewoordvoerder, gesê.
