Motoreienaars kan nou voertuiglisensies hernu via Pick n Pay se nuwe aanlynstelsel.
Pick n Pay, een van Suid-Afrika se kleinhandelreuse, het aangekondig dat hulle ‘n voertuiglisensie-hernuwingstelsel ingestel het. Hierdie nuwe kenmerk van die kleinhandelmaatskappy se portefeulje sal ongetwyfeld een van die vele probleme wat motoriste die afgelope tyd ervaar het, verlig.
Pick n Pay het gesê die proses om ‘n mens se voertuiglisensie te hernu via hul nuwe stelsel kan in drie maklike stappe gedoen word, met die nuwe voertuiglisensie wat dan by die adres wat op die stelsel verskaf is, afgelewer word.
Hoe dit werk:
Gebruikers wat hul voertuiglisensies via Pick n Pay se nuwe stelsel wil hernu, kan óf by‘n Pick n Pay-winkel registreer óf aanlyn via hierdie skakel.
Vehicle Licence Disc Renewals | Value Added | Pick n Payhttps://www.pnp.co.za
Sodra dit aanlyn is, kan gebruikers ‘n nuwe profiel registreer en by hul rekening aanmeld. Gebruikers moet ook ‘n afskrif van hul ID-dokument of kaart, ‘n afskrif van jou bestaande voertuiglisensieskyf en bewys van verblyf oplaai.
Pick n Pay het op sy webwerf gesê: “Jou voertuiglisensieskyfhernuwingbetaling sal die volgende insluit, wat outomaties by jou betalingsbedrag gevoeg word: die bedrag vir die lisensiehernuwing, ‘n lisensieskyfhernuwingsadministrasiefooi van R345 (BTW ingesluit), en ‘n afleweringsfooi van R99 (BTW ingesluit).”
Laastens sal die nuwe voertuiglisensie binne tien werksdae by die adres wat verskaf is, afgelewer word. Let wel “10 werksdae slegs van toepassing is op voertuiglisensieskyfies wat nie verval het nie.”
