Die avonture van Kuifie – Die stukkende oor deur Hergé
PRYS: R130.00 (BTW ingesluit)
Die avonture van Kuifie (Frans: Les Aventures de Tintin et Milou) is een van die gewildste strokiesverhale wat in die twintigste eeu verskyn en is vandag steeds populêr. Die boeke word in ongeveer 60 tale vertaal. Die hoofkarakter van die verhale is die jong Belgiese verslaggewer Kuifie. Saam met sy hond, Spokie, beleef hy verskeie avonture.
Die eerste verhaal van Kuifie het op 10 Januarie 1929 verskyn as ’n bylae tot die Franstalige Brusselse koerant Le Vingtième Siècle. Hergé het in die tydperk tussen 1929 en 1976 23 strokiesverhale (die 24ste verhaal bly onvoltooi) geskryf en geteken.
In Die stukkende oor word ’n fetisj, gemaak deur die Arumbaya-stam, uit die etnografie-museum in Brussel gesteel om net die volgende dag weer teruggesit te word. Maar Kuifie besef dit is ’n vervalsing, en die spoor na die oorspronklike fetisj neem hom tot in Suid-Amerika.
