Die Minister in die Presidensie, Mondli Gungubele, sal vandag by ‘n afvaardiging van Sasol, Infrastruktuur Suid-Afrika en die Noord-Kaapse Provinsiale Regering in Port Nolloth aansluit vir ‘n betrokkenheid van belanghebbendes en terreinbesoek aan Boegebaai.
In ‘n verklaring het die Presidensie gesê die vergadering en terreinbesoek sal dien as ‘n belangrike interaksie tussen die regering en Sasol om die Memorandum van Ooreenkoms, soos onderteken en aangekondig by die Sustainable Infrastructure Development Simposium South Africa (SIDSSA) 2021, te implementeer.
Tydens die simposium wat in Oktober 2021 gehou is, is groen waterstof geïdentifiseer as ‘n “groot grens” wat beide toekomstige en huidige groei- en beleggingsgeleenthede vir Suid-Afrika verteenwoordig.
Wêreldwyd neem die vraag na groen waterstof en groen waterstof-gebaseerde produkte, soos ammoniak en sintetiese vliegtuigbrandstof, toe.
“Dit is na aanleiding van nasionale en korporatiewe netto nul-verpligtinge wat daarop gemik is om aardverwarming onder 2 grade bo pre-industriële vlakke te hou. As gevolg van die multi-sektorale implikasies van groen waterstof, speel die Presidensie ‘n sameroepende en koördinerende rol regoor die regering met respek tot groen waterstof,” het die Presidensie gesê.
Deur koördinering in die Presidensie het Sasol, die Noord-Kaapse Provinsiale Regering (NCPG) en die Gauteng Provinsiale Regering (GPG) die volgende ooreenkomste by die SIDSSA 2021 bekendgestel, wat hul groen waterstof-ambisies ondersteun:
– ‘n Memorandum van Ooreenkoms tussen die NCPG en Sasol, vir Sasol om die ankerontwikkelaar van die beplande Boegoebaai Groenwaterstof Spesiale Ekonomiese Sone te wees, hangende ‘n gedetailleerde uitvoerbaarheidstudie;
– ‘n Hoofooreenkoms tussen die NCPG en die Rotterdamse hawe (HvB) vir die HvB om op te tree as ‘n aanvraag ‘samesteller’ vir groen waterstof in Europa; en
– ‘n Memorandum van Ooreenkoms tussen GPG en Sasol vir Sasol om groenwaterstofproduksiefasiliteite in Gauteng te ontwikkel wat daarop gemik is om die binnelandse industrie vry te kry van koolstof.
