Die Zamdela-voertuigspeurders doen ‘n beroep op lede van die gemeenskap om te help met inligting rakende die opsporing en inhegtenisneming van die twee verdagtes wat op die vlug geslaan het nadat hulle ‘n vragmotor op die R57 na Sasolburg gekaap het.
Die klaer voer aan dat hy Sondag met ‘n maatskappyvragmotor na Sasolburg en Vanderbijlpark gery het. Op pad in die rigting van die R59-afrit het hy ‘n wit Nissan-bakkie in die baan langs syne, wat aankomende verkeer in die gesig staar, opgemerk. Die voertuig het die bestuurder en nog twee passasiers bevat. Die passasier wat agter op die wit Nissan-bakkie gesit het, en parallel met die vragmotor gery het, het ‘n vuurwapen die vragmotorbestuurder gerig en hom beduie om te stop. Die vragmotorbestuurder het egter aangehou ry totdat twee skote op sy deur afgevuur is.
Die bestuurder het uiteindelik stilgehou en die verdagtes in die wit Nissan-bakkie het die bestuurder genader en hom aangesê om uit die vragmotor te klim. Die twee verdagtes het toe die vragmotorbestuurder geneem en hom in die voertuig waarin hulle gery het, gesit, terwyl een verdagte die gesteelde vragmotor bestuur het. Die vragmotorbestuurder is by Brakpan afgelaai, waarna hy daarin kon slaag om hulp te soek. Die klaer kon nie die verdagtes identifiseer nie, maar beweer dat hulle nie Suid-Afrikaners is nie aangesien hulle ‘n vreemde taal gepraat het.
Die drie gesoekte verdagtes het gevlug met ‘n wit Volvo-vragmotor met registrasienommer CN48ZK GP gelaai met blikkieskos wat na raming R500 000 werd is.
Enigiemand met inligting wat die polisie kan help om die verdagtes op te spoor, kan ao Moshoeshoe Mohale by 076 791 5740 of MySAPS-app kontak en ‘n anonieme wenk laat.
