Ontevrede ouers wat desperaat is om hul kinders vir die 2022 akademiese jaar in skole geplaas te kry, meen die Gautengse departement van onderwys moet die aanlyn aansoekstelsel skrap en die plasingsmandaat aan skole teruggee. Meer as 1 000 Gautengse leerlinge is nog nie geplaas in skole nie.
Sommige ouers het die afgelope twee dae buite die Gautengse onderwysdepartement se kantore regoor die provinsie gestaan om hul kinders vir die 2022 akademiese jaar geplaas te kry, ten spyte daarvan, sê hulle, dat hulle betyds aansoek gedoen het deur die departement se aansoekportaal.
